Marneulidə qanlı hadisə: Gənclər arasında münaqişə qanla nəticələndi

Marneuli bələdiyyəsinin Candar qəsəbəsində gənc oğlan pnevmatik silahdan açılan atəş nəticəsində yaralanıb.

InterPress.ge xəbər verir ki, hadisə 26 iyul axşam saatlarında baş verib.

Yaxınlarının verdiyi məlumata görə, iki gənc arasında əvvəldən münaqişə olub. Bildirilir ki, həmin gün gənclərdən biri digərinin yanına gələrək pnevmatik silahdan 31 yaşlı şəxsə atəş açıb.

Nəticədə yaralı ağız və baş nahiyəsindən xəsarətlər alıb.

Hadisəni törədən şəxs hadisə yerindən qaçıb. Yaralı isə ağır vəziyyətdə xəstəxanaya çatdırılıb.

Daxili İşlər Nazirliyindən bildirilib ki, faktla bağlı istintaq Gürcüstan Cinayət Məcəlləsinin 126-cı maddəsi ilə aparılır.