Avtomobil piyadanı vurdu – Qadın hadisə yerində öldü

Gürcüstanda avtomagistralda baş verən yol-nəqliyyat hadisəsi ölümlə nəticələnib. Avtomobilin vurduğu qadın aldığı xəsarətlərdən hadisə yerində həyatını itirib.

InterPress.ge xəbər verir ki, hadisə İqoeti yaşayış məntəqəsi yaxınlığında baş verib. Məlumata görə, avtomagistralda hərəkətdə olan avtomobil piyadanı vurub. Nəticədə qadın dünyasını dəyişib.

Gürcüstan Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 276-cı maddəsinin 6-cı hissəsi ilə istintaq başlanılıb. Həmin maddə nəqliyyat vasitələrinin hərəkət və istismar qaydalarının pozulması nəticəsində insan ölümünə səbəb olma faktını nəzərdə tutur.