Faciə: Elektrik cərəyanı 56 yaşlı kişinin həyatına son qoydu

Kaxetinin Telavi bələdiyyəsində baş verən bədbəxt hadisə ölümlə nəticələnib. Elektrik cərəyanı vuran 56 yaşlı kişi hadisə yerində həyatını itirib.

InterPress.ge xəbər verir ki, hadisə ötən axşam Telavi bələdiyyəsinin Qaracala kəndində baş verib. İlkin məlumata görə, 56 yaşlı kişi qonşusuna zədələnmiş elektrik xətlərinin təmirində kömək edərkən həyətdə yerləşən elektrik dirəyinə çıxıb. Bu zaman onu elektrik cərəyanı vurub və o, hadisə yerində dünyasını dəyişib.

Yerli sakinlərin sözlərinə görə, mərhum qonşusuna yardım etmək məqsədilə elektrik naqillərini bərpa etməyə çalışırmış.

Faktla bağlı hüquq-mühafizə orqanları tərəfindən araşdırma aparılır.