“Kazbeqi” gömrük-keçid məntəqəsində gömrük nəzarəti tam bərpa olunub

“Kazbeqi” gömrük-keçid məntəqəsində gömrük nəzarəti prosedurları tam şəkildə bərpa edilib.

InterPress.ge xəbər verir ki, bu barədə Gürcüstan Maliyyə Nazirliyinin Gəlirlər Xidməti məlumat yayıb.

Qurumun məlumatına görə, Gürcüstanın gömrük sərhədindən malların gətirilməsi və çıxarılması, eləcə də sözügedən gömrük-keçid məntəqəsindən dövlət sərhədini keçən fiziki şəxslərə münasibətdə gömrük nəzarəti prosedurları hər iki istiqamətdə maneəsiz həyata keçirilir.

Gürcüstan Milli Ətraf Mühit Agentliyinin məlumatına görə, hazırda Devdoraki dərəsində təhlükə səviyyəsi aradan qaldırılıb.