Ağır yol qəzası nəticəsində bir nəfər həyatını itirdi

Xelvaçauridə mərkəzi avtomobil yolunda baş verən yol-nəqliyyat hadisəsi nəticəsində 40 yaşlı kişi həyatını itirib. Hadisə səhər saatlarında baş verib.

InterPress.ge xəbər verir ki, hadisə yerində müvafiq xidmətlərin əməkdaşları səfərbər olunub.

Daxili İşlər Nazirliyindən bildirilib ki, faktla bağlı Gürcüstan Cinayət Məcəlləsinin 276-cı maddəsi ilə istintaq başlanıb. Sözügedən maddə nəqliyyat vasitəsinin hərəkəti zamanı müəyyən edilmiş qaydaların pozulmasını nəzərdə tutur.

Şahidlərin sözlərinə görə, ölən şəxs yerli sakin olub. Onu minik avtomobili vurub.