Gürcüstanda yağışlı hava gözlənilir – bəzi ərazilərdə güclü yağıntı olacaq

29-31 avqust tarixlərində Gürcüstanın əksər ərazilərində fasilələrlə yağış yağacağı, bəzi rayonlarda isə yağıntının güclü intensivlikdə olacağı gözlənilir.

InterPress.ge xəbər verir ki, bu barədə Gürcüstan Milli Ətraf Mühit Agentliyi məlumat yayıb.

Proqnoza əsasən, bəzi ərazilərdə şimşək, dolu və güclü külək ehtimalı var.

Agentliyin məlumatına görə, gözlənilən güclü yağıntılar çaylarda suyun səviyyəsinin əhəmiyyətli dərəcədə artmasına, kiçik çaylarda daşqınlara, eləcə də dağlıq və təpəlik ərazilərdə sürüşmə və sel proseslərinin yaranmasına və aktivləşməsinə səbəb ola bilər.

Qurum təhlükə səviyyəsini orta olaraq qiymətləndirib.