Dmanisidə qadına fiziki zor tətbiq edən şəxs saxlanılıb

Gürcüstan Daxili İşlər Nazirliyinin Kvemo Kartli Polis Departamentinin Dmanisi Rayon İdarəsinin əməkdaşları zorakılıq ittihamı ilə bir nəfəri saxlayıblar.

InterPress.ge xəbər verir ki, istintaqla müəyyən edilib ki, təqsirləndirilən şəxs cari il sentyabrın 20-də Dmanisi bələdiyyəsində, Pantiani gölünün ətrafında dostu olan qadına fiziki zor tətbiq edib və hadisə yerindən uzaqlaşıb.

Hüquq-mühafizə orqanlarının əməkdaşları isti izlərlə həyata keçirilən əməliyyat-axtarış və istintaq tədbirləri nəticəsində şəxsin kimliyini qısa müddətdə müəyyənləşdirərək onu təqsirləndirilən şəxs qismində saxlayıblar.

Faktla bağlı Gürcüstan Cinayət Məcəlləsinin 126-cı maddəsi ilə istintaq aparılır.