Türkiyə Respublikasından gələn 24.500 kiloqram kartofda zərərverici maddə aşkarlandı

Türkiyə Respublikasından 24.500 kiloqram kartof, Maliyyə Nazirliyinin Gəlirlər Xidmətinin Sarpi gömrük keçid məntəqəsindən Gürcüstan ərazisinə daxil olub.

InterPress.ge xəbər verir ki, bu barədə Gəlirlər Xidmətindən bildirilib.

Gəlirlər Xidmətindən verilən məlumata görə, nəzarət prosedurları zamanı Gömrük Departamentinin Sanitariya, Fitosanitariya və Baytarlıq Nəzarəti şöbəsinin əməkdaşları tərəfindən araşdırma üçün götürülmüş nümunədə karantinli zərərverici maddənin (Synchytrium endobioticum) olduğu təsdiqləndi.

"Gürcüstan Hökumətinin N463 saylı qərarına əsasən, qeyd olunan mal ixracatçı ölkəyə qaytarılacaq", - deyilir məlumatda.