Azərbaycanın Baş naziri Gürcüstanın yeni Baş nazirini təbrik edib

Azərbaycan Respublikasının Baş naziri Əli Əsədov İrakli Qaribaşviliyə Gürcüstanın Baş naziri təyin edilməsi münasibətilə təbrik məktubu ünvanlayıb.

InterPress.ge xəbər verir ki, bu barədə Azərbaycan Nazirlər Kabinetinin mətbuat xidmətindən məlumat verilib.

Məktubda Gürcüstan ilə Azərbaycan zəngin ənənələrə malik dostluq və mehriban qonşuluq münasibətlərinin bağladığı vurğulanıb.

Gürcüstan-Azərbaycan dövlətlərarası əlaqələrinin və strateji əməkdaşlığının bundan sonra da inkişaf etdirilməsi və möhkəmləndirilməsi istiqamətində birgə addımların atılacağına ümidvarlıq ifadə olunub.