İrakli Kobaxidze: “Cənubi Qafqaz və xüsusilə Gürcüstan Şərq istiqamətində yeganə quru qapısı olaraq qalır”

“Cənubi Qafqaz və xüsusilə Gürcüstan Şərq istiqamətində yeganə quru qapısı olaraq qalır. Biz bu istiqamətdə Avropa və Avropa İttifaqı ilə əməkdaşlığa maksimum dərəcədə hazırıq və təbii ki, bu mövzunu avropalı tərəfdaşlarımızla da müzakirə edəcəyik”, – deyə Gürcüstanın Baş naziri İrakli Kobaxidze bildirib.

InterPress.ge xəbər verir ki, Kobaxidze bu barədə Avropa Siyasi Birliyinin (EPC) 9-cu sammitində iştirak etmək üçün səfərdə olduğu İrlandiyada gürcü jurnalistlərə açıqlamasında deyib.

Baş nazirin sözlərinə görə, Gürcüstan bu istiqamətdə mühüm və strateji rola malikdir.

“Gürcüstanın bu baxımdan rolu əsasdır. Çünki təəssüf ki, Rusiya Avropanın qalan iqtisadi məkanından təcrid olunduqdan və Yaxın Şərqdə münaqişə başladıqdan sonra Avropa üçün Şərq istiqamətində yollar bağlanıb. Cənubi Qafqaz və xüsusilə Gürcüstan Şərq istiqamətində yeganə quru qapısı olaraq qalır. Biz bu istiqamətdə Avropa və Avropa İttifaqı ilə əməkdaşlığa maksimum dərəcədə hazırıq və təbii ki, bu mövzunu avropalı tərəfdaşlarımızla da müzakirə edəcəyik”, – deyə Baş nazir qeyd edib.