Gürcüstan Dəmir Yolu bu tarixdən fəaliyyətini bərpa edəcək

Gürcüstan Dəmir Yolu 2 gündən sonra fəaliyyətini bərpa edəcək.

InterPress.ge xəbər verir ki, bu haqda İqtisadiyyat və Davamlı İnkişaf naziri Natia Turnava bu gün hökumət iclasından sonra keçirdiyi brifinqdə jurnalistlərə açıqlama verib.

O, dəmir yolunun bir az hazırlığa ehtiyac duyduğunu, buna görə də iki gündən sonra fəaliyyətini bərpa edəcəyini və qrafiki elan edəcəyini söyləyib.

"İndi əsas olan pozitivliyi qoruyub saxlamaq və epidemiyanı pisləşdirməməkdir"- Nazir qeyd edib və hamını məsuliyyətli münasibət göstərməyə çağırıb.

Xatırladaq ki, bu gündən etibarən Gürcüstanda şəhərlərarası nəqliyyatın fəaliyyəti bərpa edildi.