Gürcüstanda aşılama məcburi olacaq? - Mərkəz rəhbərindən açıqlama

"Ölkədə peyvəndləmə məcburi olmayacaq və həmişə könüllü olaraq qalacaq".

InterPress.ge xəbər verir ki, bu barədə Milli Xəstəliklərə Nəzarət Mərkəzinin direktoru Amiran Qamğrelidze bildirib.

“Aşılama günümüzdə yüksək dövlət məsələsi olmalıdır, çünki peyvəndləmə dünyada pandemiyanı və ölkədə epidemiyanı məğlub edir. Peyvəndləmə olmadan normal həyat ritminə qayıda bilməyəcəyik, uzun müddət maska taxmaq və məhdudiyyətlər lazım olacaq”, - dedi Amiran Qamğrelidze.

Məlumat üçün bildirək ki, 18 mart tarixində Axalçixedə, "İmedi" klinikasında gənc tibb bacısı koronavirus əleyhinə "AstraZeneca" peyvəndi vurdurduqdan sonra komaya düşüb.

Tibb bacısında peyvənd vurulduqdan sonra anafilaktik şok inkişaf edib.