Bu yolda nəqliyyatın hərəkəti məhdudlaşdırılacaq

Tbilisi Bələdiyyəsi, Baqebi-Cğnetini birləşdirən yolda, Baqebi və Kaklebi qəsəbəsi keçidinədək olan hissədə sürüşmə zonası aşkar edib və bu da profilaktik tədbirlərin görülməsini zəruri edib.

InterPress.ge xəbər verir ki, bu barədə Tbilisi meriyasının bəyanatında deyilir.

"Yaranmış vəziyyətlə əlaqədar, təhlükəsizlik məqsədilə 25 mart saat 21: 00-dan 26 mart saat 08: 00-dək Baqebi-Cğnetini birləşdirən yolda, Baqebi və Kaklebi qəsəbəsi keçidinədək olan hissədə nəqliyyat vasitələrinin hərəkəti məhdudlaşdırılacaq.

Tbilisi meriyası yaranan narahatlıq üçün üzr istəyir! ”, - deyə Tbilisi meriyasının bəyanatında deyilir.