Təhsil naziri məktəbləri ziyarət etdi

Təhsil və Elm Naziri Mixeil Çxenkeli, N118 və N208 nömrəli dövlət məktəblərində virusun qarşısının alınması üçün məktəblər tərəfindən hazırlanmış sanitariya normaları ilə tanış olub və təhsil müddəti ərzində şagirdlərin təhlükəsizliyi üçün görülən tədbirlər barədə məktəb direktorlarından məlumat alıb.

InterPress.ge xəbər verir ki, bu barədə Təhsil Nazirliyindən məlumat verilib.

Nazirlikdən verilən məlumata görə, 118 saylı məktəbdə 1230, 208 saylı məktəbdə 892 şagird olmasına baxmayaraq, Səhiyyə Nazirliyi tərəfindən hazırlanmış bütün tövsiyələr hər iki məktəbdə tam yerinə yetirilir. Məktəblər bütün müvafiq dezinfeksiyaedicilərlə təchiz olunmuşdur və şagirdlər, müəllimlər və məktəb rəhbərliyi Səhiyyə Nazirliyinin tövsiyələrini ciddi şəkildə yerinə yetirirlər.

Təhlükəsizlik baxımından məktəblərdə sanitar vəziyyəti qorumaq üçün nəzarət gücləndirilib. Eyni zamanda müəllimlərin və məktəb nümayəndələrinin testdən keçirilməsi davam edir.

“Məktəblərdə təhlükəsizliyin təmin olunması üçün Nazirlik tərəfindən monitorinqlər gələcəkdə də davam edəcəkdir. Həm ümumi təhsil müəssisələri, həm də ali təhsil müəssisələri və peşə kollecləri Təhsil naziri və nazir müavinləri tərəfindən aktiv şəkildə nəzarətdə olacaq", - deyilir məlumatda.