Tbilisidə fəhlə 40-cı mərtəbədən yıxılaraq həyatını itirdi

Tbilisidə, Çavçavadze prospektində bədbəxt hadisə baş verib.

InterPress.ge xəbər verir ki, fəhlə tikilməkdə olan binanın 40-cı mərtəbəsindən yıxılaraq ölüb.

Daxili İşlər Nazirliyindən bildirildiyinə görə, hadisə ilə bağlı istintaq tikinti və ya digər işlər zamanı təhlükəsizlik qaydalarının pozulmasını və sağlamlığına az ağır və ya ağır zərər vurulmasını nəzərdə tutan 240-cı maddəyə əsasən başladılıb.

Cinayət altı aydan iki ilədək müddətə ev həbsi və ya iki ildən beş ilədək müddətə azadlıqdan məhrum etmə, vəzifədən məhrum etmə və ya üç ilədək müddətə fəaliyyətlə məşğul olma hüququndan məhrum etmə ilə cəzalandırılır.

Qəza dünən baş verib.