Baş nazir: “Bu gün tariximizin ən vacib günüdür"

“Bu gün tariximizin ən vacib günüdür. 9 aprel 1989-cu ildə gürcü xalqı yüksək səslə müstəqilliyini bərpa etmək əzmi qərarını bildirdi”.

InterPress.ge xəbər verir ki, bu haqda Gürcüstanın Baş naziri İrakli Ğaribaşvili sosial şəbəkədə yazıb.

“9 aprel həmişə vətən üçün fədakarlığın və eyni zamanda azadlığın və birliyin simvolu olaraq qalacaq. Odur ki, bu gün qəhrəmancasına vəfat edənlərin adlarını həm ağrı ilə, həm də qürurla xatırlayırıq. Bütün cəmiyyətimizlə birlikdə öz sədaqəti ilə vətən azadlığı üçün yol açanların parlaq xatirəsinə baş əyirəm", - yazıb Baş nazir.