Gürcüstanın Baş Naziri müsəlmanları təbrik etdi

Gürcüstanın Baş naziri İrakli Ğaribaşvili Gürcüstanın müsəlman əhalisini Ramazan ayı münasibətilə təbrik edib.

InterPress.ge xəbər verir ki, İrakli Ğaribaşvili bu barədə sosial şəbəkədə yazıb.

“Gürcüstanın bütün müsəlman vətəndaşlarını Ramazan ayının gəlişi münasibətilə ürəkdən təbrik edirəm və onu ləyaqətlə, imanla və səbrlə başa vurmağınızı diləyirəm.

Ortaq vətənimizin ictimai həyatının, gələcəyinin qurulmasında verdiyiniz böyük töhfənizi çox yüksək qiymətləndirirəm.

Bənzərsiz mədəniyyətiniz və ənənələriniz ölkəmizin sərvətidir, rəngarəngliyin ayrılmaz hissəsidir.

Sizə və ailənizə can sağlığı, firavanlıq və əmin-amanlıq diləyirəm", - yazıb Baş nazir.