Bu gün faşizm üzərində zəfər günüdür
Bu gün 9 May, faşizm üzərində qələbə günüdür. 8 May 1945-ci ildə, Almaniyanın təslim elanından sonra, II Dünya Müharibəsi sona çatdı. 9 May faşizm üzərində qələbə günü elan edildi.
InterPress.ge xəbər verir ki, İkinci Dünya Müharibəsi Gürcüstanda ən ağır iz buraxdı - ölkəmiz 300 000 əsgər itirib.
İllərdir müharibə veteranları və ictimaiyyət nümayəndələri ənənəvi olaraq bu gün naməlum bir əsgərin məzarını ziyarət etmək üçün Vake Parkına toplaşırlar. Ancaq bu il reabilitasiya işləri səbəbi ilə Vake Parkında Faşizm üzərində Zəfər Günü qeyd olunmayacaq. Tbilisi meriyasından verilən məlumata görə, Veteranlar Mədəniyyət və İstirahət Parkında (Kikvidze) İkinci Dünya Müharibəsi qurbanlarının xatirəsini ehtiramla anmaq mümkün olacaq.
Gürcüstan Hökümətinin fərmanına əsasən, faşizm üzərində qələbənin 76-cı ildönümü münasibətilə İkinci Dünya Müharibəsi iştirakçılarına 1000 lari, İkinci Dünya Müharibəsi qurbanlarının ailələrinin üzvlərinə 500 lari dəyərində birdəfəlik sosial yardım veriləcək.
