Tbilisidə, Eristavi küçəsində baş verən yanğın söndürüldü

Tbilisidə, güclü tüstü və iki açıq yanğın ocağının müşahidə olunduğu Tornike Eristavi küçəsindəki yanğın söndürülüb.

InterPress.ge xəbər verir ki, məlumatı Təcili İdarəetmə Xidməti yayır.

“İlk müdaxilə qrupunun məlumatına görə, yanğın anbar ərazisinə yayılmışdı. Yanğınsöndürənlər təhlükəsizlik səbəbi ilə ətrafdakı təxminən 150 nəfəri təxliyyə etdilər və aktiv yanğın söndürmə əməliyyatlarına başladılar. Yanğının geniş bir əraziyə yayılma təhlükəsi var idi, lakin vaxtında reaksiya verilməsi nəticəsində yanğın lokallaşdırıldı və sonra tamamilə söndürüldü", - deyilir məlumatda.

Yanğın nəticəsində xəsarət alan olmayıb.