Qiorqi Ğibradze koronavirusa qarşı peyvənd olundu

İdarələrarası Koordinasiya Şurasının Əməliyyat Heyətinin rəhbəri Qiorqi Ğibradze, koronavirusa qarşı Sinofarm ilə peyvənd olunub.

InterPress.ge xəbər verir ki, Ğibradze Respublika Xəstəxanasında peyvənd olunub.

Qiorqi Ğibradze peyvənddən sonra jurnalistlərə özünü yaxşı hiss etdiyini söyləyib. Bundan əlavə, peyvənd olunmanın əhəmiyyətindən danışıb.

"Özümü çox yaxşı hiss edirəm. Peyvəndin əhəmiyyətindən dəfələrlə bəhs edilib və bir daha deyə bilərəm ki, peyvənd gələcəkdə normal həyat ritminə qayıtmaq üçün ən vacib vasitələrdən biridir, əlbəttə ki, sosial məsafə, maska və digər qaydaları qorumaqla”, - dedi Qiorqi Ğibradze.