Gürcüstanda üçüncü zəlzələ baş verdi

Gürcüstanda daha bir zəlzələ baş verdi.

InterPress.ge xəbər verir ki, yeraltı təkanlar saat 21: 51-də qeydə alınıb.

Milli Seysmik Monitorinq Mərkəzinin verdiyi məlumata görə, zəlzələnin episentri bu dəfə Dmanisi və Sameba kəndi yaxınlığında, təxminən əvvəlki iki zəlzələnin qeydə alındığı yerdədi.

Mərkəzin bildirdiyinə görə, son zəlzələnin gücü 3 bal gücündə olub.

Qeyd edək ki, əvvəlki zəlzələlər 20: 04-də 3,1 bal və 20: 15-də üç bal gücündə olmuşdu. Milli Seysmik Monitorinq Mərkəzinin veb saytındakı göstərilən yeraltı təkanların episentri Ninotsminda şəhəri və Sameba kəndinin yaxınlığında olduğu qeyd olunub.