Avtomobillərdə bu məcburi ola bilər - YENİ QAYDA

Avtomobillərin arxa hissəsində təhlükəsizlik kəmərinin istifadəsi məcburi ola bilər.

InterPress.ge xəbər verir ki, vətəndaş Davit Mebağişvili bu məsələ ilə bağlı Parlamentə qanunvericilik təklifi təqdim edib.

Təklif müəllifinin qeyd etdiyinə görə, təhlükəsizlik kəmərindən istifadə etmə məcburiyyəti avtomobilin arxa oturacaqlarına şamil edilmir. Onun sözlərinə görə, təhlükəsizlik mədəniyyəti gücləndirilsə, bir çox insanın həyatını xilas etmək mümkün olar.

Parlament Bürosunun qərarına əsasən, təklif Hüquq Məsələləri Komitəsi tərəfindən nəzərdən keçirilməli və qərar Büroya bildirilməlidir.