Qoridə yol qəzası baş verib - bir nəfər ağır yaralanıb

Qoridə yol qəzası baş verib.

InterPress.ge xəbər verir ki, qəza nəticəsində bir nəfər ağır yaralanıb.

Belə ki, avtomobil velosipedlə hərəkət edən kişini vurub.

Hadisə gecə saatlarında baş verib.

Yaralı təcili tibbi yardım briqadası tərəfindən "Qormedi" xəstəxanasına yerləşdirilib.

Klinikadan verilən məlumata görə, xəstənin vəziyyəti çox ağırdır. O, reanimasiya bölməsinə qaldırılıb. Ona fövqəladə tədqiqatlarla paralel olaraq reanimasiya tədbirləri də aparılır və hal- hazırda süni nəfəs aparatındadır.

Hadisə ilə əlaqədar istintaq başlayıb.