Rustavidə avtomobil qəzası baş verdi

Rustavinin Modebadze və Ağmaşenebeli küçələrinin kəsişməsində avtomobil qəzası baş verib.

InterPress.ge xəbər verir ki, "Chrysler" markalı avtomobilin sürücüsü sükanı çevirə bilməyib, əvvəl beton plitəyə, daha sonra qaz borusuna və sonda yaxınlıqda dayanan "Mercedes" avtomobilinə çırpılıb.

Qəza nəticəsində xəsarət alan olmayıb.

Təbii qaz kəmərinin zədələnməsi əhaliyə qaz verilməsinin kəsilməsinə səbəb olmayıb.

Patrul və kriminal polis, təcili yardım və xilasetmə qrupları hadisə yerinə cəlb olunub. "SOCAR Georgia Gas" şirkətinin nümayəndələri də əraziyə gəlib.