Əlil şəxsə təcavüz edən şəxs həbs cəzasına məhkum edildi

Senaki Rayon Məhkəməsi ittiham tərəfinin təqdim etdiyi bütün dəlilləri qəbul edib və ağırlaşdırılmış şəraitdə törədilmiş təcavüz faktı ilə əlaqədar L.K.-nı günahkar olaraq tanıyıb.

InterPress.ge xəbər verir ki, Daxili İşlər Nazirliyi tərəfindən aparılan istintaq nəticəsində, ittiham tərəfinin məhkəmə prosesində araşdırılan dəlillərinə əsasən müəyyən olunub ki, 11 mart 2021-ci ildə Abaşa rayonunda L.K. əlil şəxs A.Ç.-ya təcavüz edib.

Hüquq-mühafizə orqanları L.K.-nı 11 martda saxlayıb. O, Gürcüstan Cinayət Məcəlləsinin 137-ci maddəsinin 3-cü hissəsinin "D" bəndinə əsasən ittiham olunub və həbs qətimkan tədbiri seçilib.

Senaki Rayon Məhkəməsi, L.K.-nı ittiham üzrə təqsirli bilib və 11 il həbs cəzasına məhkum edilib.