Qardabanidə həyat yoldaşının boğazını kəsən şəxsə hökm oxundu

Rustavi Şəhər Məhkəməsi təqsirləndirən tərəfin təqdim etdiyi dəlilləri qəbul etdi və həyat yoldaşını xüsusi qəddarlıqla qətlə yetirməkdə və soyuq silah daşımaqda ittiham edilən şəxs üçün cəza tədbiri olaraq, 20 il həbs qərarı verdi.

InterPress.ge-nin məlumatına görə, məhkəmə prosesində təsdiqləndi ki, T.M. 2020-ci ilin fevralın 15-də, gecə saatlarında, az yaşlı uşağının və həyat yoldaşının bacısının gözlərinin qabağında, qısqançlıq səbəbi ilə, həyat yoldaşının boğazını kəsib.

Cinayəti işlədikdən sonra, T.M. hadisə yerindən qaçdı. Yaralanan həyat yoldaşı isə, yerindəcə həyatını itirdi.

Hüquqmühafizəçilər T.M-yı 2020-ci ilin 16 fevral tarixində, Qardabani rayonunun Qaçiani kəndində həbs etdilər.