Sinoptiklərdən XƏBƏRDARLIQ - Gürcüstanda havalar bu tarixədək pisləşəcək

Sinoptiklər bu gündən oktyabrın 21 -dək Gürcüstanda hava şəraitinin pisləşəcəyini proqnozlaşdırırlar.  

InterPress.ge xəbər verir ki, bu barədə Milli Ətraf Mühit Agentliyi məlumat yayır.

Məlumata görə, arabir yağış yağacaq, şimşək çaxacaq, bəzi yerlərdə güclü qərb küləyi əsəcək.

Oktyabrın 20 -də havanın temperaturu xeyli aşağı düşəcək.

Milli Ətraf Mühit Agentliyinin verdiyi məlumata görə, dağlıq ərazilərdə qar, dənizdə 4-5 bal gücündə fırtına gözlənilir.

Gözlənilən güclü yağışlar Gürcüstan çaylarında suyun səviyyəsini əhəmiyyətli dərəcədə artıra və ölkənin dağlıq ərazilərində sürüşmələrə səbəb ola bilər.