Gürcüstanda son sutkada koronavirusa yoluxanların sayı sağalanların sayını ötdü

Gürcüstanda yeni növ koronavirusa (COVID-19) son 24 saat ərzində  5 219 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 675 771 nəfərə çatıb.

Sağalanların sayına gəldikdə isə, ölkədə son 24 saat ərzində 2 348 sağalma qeydə alınaraq ümumi sağalanların sayı 619 285 nəfər təşkil edib.

Eyni zamanda bildirilir ki, bu gün koronavirusdan daha 42 nəfər ölüb və ölənlərin ümumi sayı 9 588 nəfər təşkil edib.