Bu il Gürcüstanda baş verən yol qəzalarında 305 nəfər ölüb

Gürcüstanda baş verən yol qəzalarında 305 nəfər ölüb.

InterPress.ge xəbər verir ki, bu barədə Milli Statistika Xidmətinin 2021-ci ilin ilk üç rübünün məlumatında deyilir.

Məlumata görə, ümumilikdə, ölkədə 4335 yol qəzası baş verib. Bunlardan 123-ü sərxoşluq nəticəsində baş verib, 5746 nəfər zərər çəkib.

Eyni zamanda, Geostat-ın yaydığı məlumata görə, 2021-ci ilin ilk üç rübündə ölkədə 9137 yanğın hadisəsi qeydə alınıb, nəticədə 33 nəfər ölüb, 122 nəfər xəsarət alıb. Yanğınlar nəticəsində ölkə üzrə 330 bina dağılıb.

Məlumata əsasən, bu ilin ilk üç rübündə insan alveri maddəsi ilə doqquz cinayət törədilib, onlardan beşi Daxili İşlər Nazirliyi tərəfindən açılıb.