Bu maddələrin satışına görə cəzalar şərtləşdirilir

Parlament Cinayət Məcəlləsinə narkotik vasitələrin, yeni psixoaktiv, psixotrop və güclü təsir göstərən maddələrin satışına görə sanksiyaların sərtləşdirilməsini nəzərdə tutan dəyişiklikləri üçüncü oxunuşda təsdiqləyib.

InterPress.ge xəbər verir ki, Daxili İşlər Nazirliyinin hazırladığı layihə bir əleyhinə olmaqla 84 səslə qəbul edilib.

Qurumdan izah edildiyinə görə, dəyişikliklərin əsas məqsədi narkotik alverçiləri ilə fəal mübarizə aparmaq və onlara qarşı qanunvericilik yanaşmalarını sərtləşdirməkdir.

Parlamentin dəstəklədiyi qanun layihəsinə əsasən narkotik vasitələrin, onun analoqunun, prekursorunun və ya yeni psixoaktiv maddənin qanunsuz satışına görə qüvvədə olan qanunda nəzərdə tutulmuş altı ildən on bir ilədək müddətə azadlıqdan məhrum etmə, on ildən on beş ilədək müddətə azadlıqdan məhrum etmə cəzası nəzərdə tutulur.

Sanksiya həmçinin adları çəkilən maddələrin külli miqdarda və xüsusilə külli miqdarda olmasına da şamil edilir. O cümlədən, külli miqdarda törədildikdə cəza müddəti yeddi ildən on dörd ilədək azadlıqdan məhrum etmə ilə on iki ildən on yeddi ilədək artırılacaq, xüsusilə külli miqdarda törədildikdə isə on dörd ildən iyirmi ilədək müddətə azadlıqdan məhrum etmə və ya ömürlük azadlıqdan məhrum etmə nəzərdə tutulur.

Psixotrop və güclü təsir göstərən maddələrin alınması/saxlanması tərkibi və satış istiqamətləri fərqləndirilmişdir.

Müvafiq olaraq:

Psixotrop maddəni və ya onun analoqunu qanunsuz satmaq üç ildən altı ilədək müddətə azadlıqdan məhrum etmə ilə cəzalandırılır;

Güclü maddəni qanunsuz satmaq dörd ildən çox olmayan müddətə azadlıqdan məhrum etmə ilə cəzalandırılır;

Bu maddənin külli miqdarda satılmasına görə beş ildən doqquz ilədək müddətə azadlıqdan məhrum etmə, xüsusilə külli miqdarda satmaq isə on ildən on dörd ilədək müddətə azadlıqdan məhrum etmə ilə cəzalandırılır.