Bu yolda nəqliyyat hərəkəti xüsusi rejimlə həyata keçiriləcək

Qar və buzla əlaqədar beynəlxalq əhəmiyyətli Mçxeta-Stepancminda-Lars yolunun Qudauri-Kobi hissəsində qoşqu və yarımqoşquların hərəkəti qadağan edilib, digər növ avtonəqliyyat vasitələrinin hərəkəti isə sərbəstdir.

InterPress.ge xəbər verir ki, bu barədə məlumatı Gürcüstanın Regional İnkişaf və İnfrastruktur Nazirliyinin Yollar Departamenti yayıb.

Verilən məlumata görə, Qudauri-Kobi hissəsində nəqliyyatın hərəkəti fasiləsiz rejimdə, yalnız uçqundan mühafizə tunelləri vasitəsilə həyata keçiriləcək. Departamentdən verilən məlumata görə, nəqliyyatın hərəkəti bilavasitə patrul polisinin nəzarəti və koordinasiyası ilə həyata keçiriləcək.