Sarpi gömrük məntəqəsində külli miqdarda bəyan edilməmiş siqaret aşkar edilib

Sarpidə külli miqdarda bəyan edilməmiş siqaret aşkar edilib.

InterPress.ge xəbər verir ki, bu barədə məlumatı Maliyyə Nazirliyinin Gəlirlər Xidməti yayıb.

Sarpi gömrük-keçid məntəqəsində külli miqdarda bəyan edilməmiş siqaretin ölkə ərazisinə keçirilməsi cəhdinin qarşısı alınıb. 

Gürcüstan Maliyyə Nazirliyinin Gəlirlər Xidmətinin gömrükçüləri şübhəli olaraq Türkiyə Respublikasında qeydiyyatda olan 3 yük avtomobilinə (sement daşıyan maşına) ətraflı baxış keçirdikdən sonra xüsusi yerləşdirilmiş gizli yerlərdən ümumilikdə 30200 ədəd bəyan edilməmiş siqaret aşkar ediblər.

Qurumdan verilən məlumata görə, iş materialları əlavə cavab verilməsi üçün Maliyyə Nazirliyinin İstintaq Xidmətinə təhvil verilib.