Qabal kəndində keçmiş kənd sədri, yerli iş adamı Camal Niyazovun evinin həyətinə qumbara atılıb

Laqodexi bələdiyyəsinin Qabal kəndində keçmiş kənd sədri, yerli iş adamı Camal Niyazovun evinin həyətinə qumbara atılıb.

lnterPress.ge xəbər verir ki, məlumata görə, hadisə zamanı Niyazov və həyat yoldaşı evdə olsalar da, heç bir bədən xəsarəti almayıblar. Evin divarı və pəncərələri zədələnib.

Hazırda ev sahibi polis bölməsində dindirilir. Hadisə yerində əməliyyat-istintaq tədbirləri davam etdirilir.

Camal Niyazovun oğlu Amil Niyazov əvvəlki çağırış şurasının üzvü olub. Daxili İşlər Nazirliyi 2021-ci il oktyabrın 4-də həmin kənddə yaşayan iş adamının evinin həyətində qumbaranın partlamasından sonra Amil Niyazovun axtarışına başlayıb.