Gürcüstan Ukraynaya humanitar yardım göstərəcək

Gürcüstan hökumətinin qərarına əsasən, Ukraynada baş verən hadisələrlə əlaqədar zərərçəkmiş əhaliyə yardım məqsədilə Hökumətin Ehtiyat Fondundan 1 milyon lari ayrılacaq.

InterPress.ge xəbər verir ki, bu barədə Gürcüstan hökuməti məlumat yayıb.

Onların sözlərinə görə, sərəncamı Gürcüstanın baş naziri İrakli Ğaribaşvili imzalayacaq.

Ehtiyat Fondundan ayrılan vəsaitlə Gürcüstanın İşğal Olunmuş Ərazilərdən Məcburi Köçkünlər, Əmək, Səhiyyə və Sosial Müdafiə Nazirliyi Ukraynada baş verən hadisələrlə əlaqədar zərərçəkmiş əhali üçün əczaçılıq məhsulları və tibbi təyinatlı mallar alacaq.