9 iyun - Gürcüstanda koronavirusla bağlı son vəziyyət açıqlandı

Son 24 saat ərzində Gürcüstanda 8 yeni koronavirus infeksiyası qeydə alınıb. Dünən gecə 2 hadisə barədə məlumat yayıldı və digər 6 nəfərin məlumatları bu gün stopcov.ge-də yerləşdirildi.

InterPress.ge xəbər verir ki, bununla da ölkədə virusa yoluxanların sayı 818 nəfərə çatıb.

Sağalanların sayına gəldikdə isə, ölkəmizdə son 24 saat ərzində 3 yeni sağalma qeydə alınıb. Bununlada COVID-19 infeksiyasından sağalanların ümumi sayı 686-a çatıb.

Qeyd olunub ki, koronavirus səbəbi ilə 2902 nəfər karantində saxlanılır, 249 nəfər isə stasionar şəraitdə müalicə olunur.

Qeyd edək ki, koronavirus səbəbi ilə 13 nəfər vəfat edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.