Baş nazirin qərarı ilə dini qurumların maliyyələşdirilməsi bir milyon lari artırılıb

Gürcüstanın baş naziri İrakli Ğaribaşvilinin qərarı ilə dini qurumların maliyyələşdirilməsi artırılıb. Sovet totalitar rejimi dövründə dini birliklərə dəymiş maddi və mənəvi zərərin qismən ödənilməsi üçün 2022-ci ilədək mövcud 4,5 milyon lariyə bir milyon lari əlavə edilib.

lnterPress.ge xəbər verir ki, bu barədə məlumatı Gürcüstanın baş nazirinin mətbuat xidməti yayıb.

 Dini Qurumlarla İş üzrə Dövlət Agentliyinin sədri Zaza Vaşakmadze Hökumət Administrasiyasında keçirilən müşavirədə dini qurumların rəhbərlərinə baş nazirin qərarını təqdim edib.

Dini qurumların nümayəndələri maliyyənin artırılmasına görə baş nazirə minnətdarlıqlarını bildiriblər və bunun onlar üçün çox vacib bir qərar olduğunu qeyd ediblər.

Dini qurumların maliyyələşdirilməsinin artırılmasında bir sıra mühüm məsələlər, o cümlədən kilsə üzvlərinin, din xadimlərinin və dini qurumların, dini binalarının sayı rəhbər tutuldu və Din Qurumunun qərarı və dini birliklərlə məsləhətləşmələr nəticəsində qərar alındı.

 Bir milyon lari Gürcüstan hökumətinin Ehtiyat Fondundan ayrılacaq və Dini Qurumlarla İş üzrə Dövlət Agentliyi tərəfindən dini qurumlar arasında bölüşdürüləcək.