İki nəfəri bıçaqlamaqda və yetkinlik yaşına çatmayan şəxsə zorakılıq etməkdə təqsirləndirilən şəxs saxlanılıb

“Polis Mestiyada iki nəfəri bıçaqlamaqda və yetkinlik yaşına çatmayan şəxsə qarşı zorakılıq etməkdə təqsirləndirilən bir nəfəri saxlayıb”.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Məlumata görə, fiziki qarşıdurma zamanı təqsirləndirilən şəxs özü də yaralanıb və xəstəxanada saxlanılıb.

“Gürcüstan Daxili İşlər Nazirliyinin Sameqrelo-Yuxarı Svaneti Polis Departamentinin Mestia Rayon İdarəsinin əməkdaşları qəsdən sağlamlığa ağır zərər vurmaqda və yetkinlik yaşına çatmayan şəxsə qarşı zorakılıq etməkdə təqsirləndirilən bir nəfəri saxlayıblar.

İstintaqla müəyyən edilib ki, cari ilin 5 sentyabr tarixində Mestia qəsəbəsində iki yetkinlik yaşına çatmayan şəxs arasında mübahisə baş verib. Münaqişəyə yetkinlik yaşına çatmayan şəxslərdən birinin atası qoşulub və digər yeniyetməyə fiziki zorakılıq edib.

Hadisəyə daha sonra bir neçə vətəndaş da qoşulub. Bu zaman təqsirləndirilən şəxs soyuq silahdan istifadə edərək iki nəfəri yaralayıb. Fiziki qarşıdurma zamanı təqsirləndirilən şəxs özü də xəsarət alıb. Hər üç şəxs müvafiq tibbi yardım göstərilməsi məqsədilə xəstəxanaya çatdırılıb.

Hüquq-mühafizə orqanlarının əməkdaşları həyata keçirilən operativ tədbirlər və istintaq hərəkətləri nəticəsində cinayətdə təqsirləndirilən şəxsi tibb müəssisəsində saxlayıblar.

Faktla bağlı Gürcüstan Cinayət Məcəlləsinin qəsdən sağlamlığa ağır zərər vurmanı və zorakılığı nəzərdə tutan 117-ci və 126-cı maddələri ilə istintaq aparılır. Təqsirləndirilən şəxsi 7 ilədək azadlıqdan məhrumetmə cəzası gözləyir”, - məlumatda deyilir.