Gürcüstanda bu tarixdən yağışlı hava gözlənilir

Aprelin 19-u günün sonundan aprelin 21-dək Gürcüstanda qısamüddətli yağış yağacağı, şimşək çaxacağı, arabir güclü qərb küləyinin əsəcəyi gözlənilir. 

InterPress.ge xəbər verir ki, bu barədə məlumatı Milli Ətraf Mühit Agentliyi yayıb.

Agentlikdən verilən məlumata görə, sahilyanı rayonlarda aprelin 18-də axşam tufan zamanı cənub-qərbdən qısamüddətli güclü külək müşahidə oluna bilər.

"Gözlənilən yağıntılar Gürcüstan çaylarında suyun səviyyəsini əhəmiyyətli dərəcədə artıra bilər, kiçik çaylarda daşqınlar, dağlıq ərazilərdə qar uçqunlarının əmələ gəlməsi və sürüşmə - güclənəcək", - məlumatda deyilir.