Bağdadın hava limanına raket zərbəsi endirildi

İraqın paytaxtı Bağdadda hava limanı yaxınlığına 3 ədəd "Katyuşa" raketinin atıldığı bildirilib.

İnterpress.ge xarici KİV-ə istinadən xəbər verir ki, İraq Təhlükəsizlik Media Şəbəkəsinin verdiyi açıqlamaya görə, gecə yarısı Bağdad Beynəlxalq Hava limanının yaxınlığında 3 ədəd "Katyuşa" raketi düşüb.

Bağdad təhlükəsizlik qüvvələrinin raketlərin atıldığı yeri təyin etdiyi, amma hücumun kim tərəfindən edildiyinə dair hər hansı bir məlumatın daxil olmadığı deyilib.

Qeyd edək ki, hücum zamanı heç bir xəsarət və ziyanın olmadığı da açıqlanıb.