Tbilisi Dövlət Universitetində etiraz aksiyası davam edir

Tbilisi Dövlət Universitetində etiraz aksiyası davam edir.  

InterPress.ge xəbər verir ki, tələbələr 5-ci gündür ki, rektorun kabinetini ələ keçiriblər.

Onların sözlərinə görə, bütün tələbləri yerinə yetirilənə qədər ərazini tərk etməyəcəklər.

Tələbələr təhsil naziri ilə görüş, rektorun istefası, buraxılış imtahanlarının onlayn keçirilməsi və ya böyük şəhərlərdə imtahan mərkəzlərinin əlavə edilməsini tələb edirlər.

Tələbələrin digər hissəsi isə etirazın bu forması ilə razılaşmır və zorakılığın əleyhinə olduqlarını bildiriblər.  Tələbələrin bu hissəsinin günün birinci yarısında təhsil naziri ilə görüşləri gözlənilir.