“Meymun çiçəyi” Gürcüstanda pandemiyaya səbəb olacaqmı?

Dünən Gürcüstanda “Meymun çiçəyi”nə ilk yoluxma halı qeydə alınıb.

InterPress.ge xəbər verir ki, infeksionist Aleksandre Qoqinava “meymun çiçəyi”nin Gürcüstanda pandemiyaya səbəb olub-olmayacağını izah edib.

“Ümumiyyətlə, dünyada halların çoxu orta və yüngül keçir, mən Afrika qitəsindən kənarda yerləşən, qeyri-endemik bölgələri nəzərdə tuturam.  Bildiyimizə görə, Gürcüstanda təsdiqlənən xəstənin vəziyyəti orta ağırdır və o, artıq sağalıb. Ona görə də panikaya səbəbimiz yoxdur.

Daha çox halların ola biləcəyini istisna etmirəm deyə, həm əhalinin, həm də tibb müəssisələrinin nəyə diqqət yetirməli olduğunu bilməsi lazımdır.

Çox güman ki, bu xəstəliyin genişmiqyaslı pandemiya törətmək qabiliyyəti yoxdur. Çətin ki, koronavirus kimi qlobal problem yaratsın.  Orta və yüngül hal zamanı xüsusi müalicə tələb olunmur, yalnız simptomatik müalicə lazımdır. Şiddətli hala gəldikdə, kifayət qədər təsirli antivirus dərmanı var. Peyvənd həm də kifayət qədər effektivdir və xəstəliyin qarşısını almaq üçün istifadə olunur və mövcud "çiçək" peyvəndi də bizi infeksiyadan və şiddətli hallardan qoruyur", - Qoqinava bildirib.