Ukraynalı deputat Avropa Şurasındakı çıxışında Gürcüstana dəstək olub

"Gürcüstanın indi problemləri var, amma xahiş edirəm gürcü xalqının bir oliqarxın girovluğunda qalmasına imkan verməyin".

InterPress.ge xəbər verir ki, bu barədə ukraynalı deputat Oleks Qonçarenko Avropa Şurasındakı çıxışında deyib.

O, Avropa Şurasını Gürcüstana da namizəd statusu verməyə çağırıb.

“Əziz qardaşlar, biz sizi dəstəkləməliyik və deməliyik ki, gürcü xalqı Avropada olmalıdır. Gürcüstana da namizəd statusu verin. Gələn həftə NATO-nun sammiti olacaq və mən Türkiyəyə müraciət etmək istərdim ki, Finlandiya və İsveçə dəstək olun. Mən bütün NATO-ya üzv dövlətlərə müraciət edirəm ki, Ukrayna və Gürcüstanı dəstəkləsinlər və bizə Üzvlük Fəaliyyət Planı (MAP) təqdim etsinlər. Biz həmrəy olmalıyıq.",- Qonçarenko.