Gürcüstandan 178 Azərbaycan vətəndaşı təxliyə ediləcək

Gürcüstanda olan daha 178 Azərbaycan vətəndaşı Azərbaycana təxliyə ediləcək.

InterPress.ge xəbər verir ki, bu barədə Azərbaycanın Gürcüstandakı səfirliyi məlumat yayıb.

Bildirilib ki, Azərbaycana qayıdacaq şəxslər sabah COVİD-19 testi verəcək. Testlərin cavabı günün ikinci yarısında açıqlanacaq. Təxliyə ediləcək şəxslər 23 iyunda saat 10:00-da Səfirliyin qarşısından xüsusi avtobuslarla Sınıq Körpü sərhəd-keçid məntəqəsinə aparılacaq.