Kənd təsərrüfatı torpaqlarında bitki qalıqlarının yandırılması 500-dən 1300 lariyə qədər cərimə ilə cəzalandırılacaq

Ətraf Mühitə Nəzarət Dempartamentinin verdiyi məlumata görə, kənd təsərrüfatı torpaqlarında bitki qalıqlarının yandırılması 500-dən 1300 lariyə qədər cərimə ilə cəzalandırılır.

InterPress.ge xəbər verir ki, qurum vətəndaşlara xəbərdarlıq edir ki, qanun pozuntusu aşkar olunarsa, qanuni tədbirlər görüləcək.

“Ətraf Mühitin Mühafizəsi və Kənd Təsərrüfatı Nazirliyinin Ətraf Mühitə Nəzarət Departamenti əhaliyə xəbərdarlıq edir ki, əkinçilik torpaqlarında bitki tullantılarının yandırılması kimi zərərli təcrübə təəssüf ki, hələ də fermerlər tərəfindən yaxınlıqdakı infrastruktur və küləkdən qorunma zolağı üçün təhlükə yaradır; torpaq xassələrinin pisləşməsinə, münbitlik səviyyəsinin aşağı düşməsinə və nəhayət, torpağın deqradasiyasına gətirib çıxarır; Fermerlərin törətdiyi süni yanğınlar ətraf mühitə, biomüxtəlifliyə ziyan vurur və səhralaşmaya gətirib çıxarır.

Ona görə də kənd təsərrüfatı torpaqlarında bitki qalıqlarının yandırılması qanunla qadağandır. Qanun pozuntusu şəraitdən asılı olaraq 500-dən 1300 lariyə qədər cərimə nəzərdə tutur, buna ətraf mühitə dəymiş ziyanın məbləği də əlavə edilir.

Ətraf Mühiyə Nəzarət Departamentinin müvafiq xidmətinin əməkdaşları oxşar hərəkətlərin törədilməsi riski olan ərazilərə ciddi nəzarət edəcəklər. Qanun pozuntusu aşkar edildikdə qanunda nəzərdə tutulmuş tədbirlər həyata keçiriləcək.

Statistikaya görə, ayrı-ayrı fermerlərin məsuliyyətsiz hərəkətləri ilə kənd təsərrüfatı qalıqlarının yandırılması nəticəsində baş verən yanğınlar onlarla hektar əkin sahəsinin yamasına, kilometrlərlə küləkdən qorunma zolağının məhv olmasına səbəb olub”, - deyə bəyanatda bildirilib.