Estoniya bu gündən etibarən Şengen vizası olan rusları ölkəyə buraxmayacaq

Bu gündən etibarən Estoniya ölkənin Şengen vizası verdiyi Rusiya vətəndaşlarının qəbulunu dayandırıb.

lnterPress.ge xəbər verir ki, KİV-in məlumatına görə, hazırda Rusiyanın 25 minə yaxın vətəndaşının belə vizası var.

“Məhdudiyyətlər turist səfərlərinə, idman və mədəni tədbirlərə səfərlərə və Şengen zonasında əyləncə məqsədilə səfərlərə şamil edilir – biz bundan sonra belə insanları qəbul etməyəcəyik və onları Estoniyaya buraxmayacağıq”, - deyə  Polis və Sərhəd Mühafizəsi Departamentinin direktor müavini Egert Belikov bildirib.

İstisna yalnız turist vizası ilə qohumlarının (valideynlər, uşaqlar və həyat yoldaşları) yanına gedənlərə aiddir.

Bundan əlavə, humanitar viza sahibləri üçün də istisnalar edilir.