Avtomobilin ön şüşəsinə parkinq cəza protokolunun qoyulması ləğv edildi

Avtomobilin ön şüşəsinə parkinq cəza protokolunun qoyulması ləğv edilib.  

InterPress.ge xəbər verir ki, bu barədə parlamentdə üçüncü oxunuşda müzakirəyə çıxarılan və 81 səslə təsdiq edilən “Yol hərəkəti haqqında” qanuna dəyişiklikdə qeyd olunub.

Cərimə protokolunun avtomobilin ön şüşəsinə qoyulması qaydası ləğv edilir, protokol qaydanı pozan şəxsin ünvanına göndəriləcək və eyni zamanda SMS-lə bildiriş göndəriləcək.

Əlavə olaraq xatırlatmaq istərdik ki, qanuna edilən dəyişikliklə səkidə və zebra keçidində saxlanılan avtomobil dərhal evakuasiya ediləcək, eləcə də parklanma qaydalarının pozulmasına görə cərimələr, o cümlədən avtomobilin ödənişsiz park edilməsi üçün cərimə 5 dəfə artırılaraq 50 lari olacaq.