Məktəblərdə dərs ili başladı

Gürcüstanın ümumi təhsil müəssisələrində tədris ilinə start verilib. Məktəbin ilk günündə bütün dövlət məktəblərində Gürcüstanın dövlət himni səsləndirilib və bayraq qaldırılıb.

lnterPress.ge xəbər verir ki, bu barədə Təhsil Nazirliyindən məlumat verilib.

 Məlumata görə, məktəblər yeni dərs ilini mühüm xəbərlərlə qarşılayır. Verilən məlumata görə, epidemik vəziyyətin yaxşılaşdırılması nəzərə alınaraq, məktəblər üçün yenilənmiş tövsiyələr hazırlanıb.

Gürcüstan məktəblərində birinci sinifdən on ikinci sinfə qədər 632 726 şagird təhsil alacaq. 2022-2023-cü tədris ili üçün Gürcüstan məktəblərində ümumilikdə 55 717 birinci sinif şagirdi təhsilə başlayacaq, o cümlədən 1 868 uşaq birinci sinfə şagird qeydiyyatı qaydalarına edilən dəyişiklik əsasında ümumi təhsil müəssisələrinə qəbul olunub.

Qeyd edək ki, bu gün uşaq bağçalarında tədris prosesinə start verilib.