Xüsusilə külli miqdarda vergidən qəsdən yayınma faktına görə bir nəfər məsuliyyətə cəlb edildi

İstintaq Xidmətinin əməkdaşları Acarıstan bölgəsində bir nəfəri külli miqdarda vergidən qəsdən yayınma faktı üzrə məsuliyyətə cəlb ediblər.

InterPress.ge xəbər verir ki, bu barədə İstintaq Xidməti məlumat yayıb. 

Məlumata görə, istintaq müəyyən edib ki, təqsirləndirilən şəxs qeyri-qanuni maddi səmərə əldə etmək məqsədi ilə faktiki idarə etdiyi şirkət vasitəsilə vergi qanunvericiliyini pozaraq gəlirlərini sistematik şəkildə düzgün bəyan etməyib, bu yolla dövlət büdcəsinə 1 616 371 lari  pul ödəməkdən yayınıb.

İstintaq Gürcüstan Cinayət Məcəlləsinin 5 ildən 8 ilədək müddətə azadlıqdan məhrumetməni nəzərdə tutan 218-ci maddəsinin 2-ci hissəsi ilə aparılır.