Gömrükçülər külli miqdarda bəyan edilməmiş siqaretlər aşkar ediblər

Sentyabrın 3-dən oktyabrın 4-dək “Sarp” gömrük-keçid məntəqəsində bəyan edilməmiş siqaretlərin ölkə sərhədindən qanunsuz keçirilməsinə cəhd faktlarının qarşısı alınıb. 

InterPress.ge xəbər verir ki, məlumatı Maliyyə Nazirliyinin Gəlirlər Xidməti yayıb.

Maliyyə Nazirliyinin Gəlirlər Xidmətinin gömrükçüləri şübhə əsasında müxtəlif ölkə vətəndaşlarının şəxsi yoxlanması və onlara məxsus çantalara, eləcə də nəzarətlərində olan avtonəqliyyat vasitələrinə baxış nəticəsində 29 560 ədəd siqaret aşkar ediblər.

Gürcüstan Gömrük Məcəlləsinin 168-ci maddəsinin 3-cü hissəsinə uyğun olaraq qanunu pozan vətəndaşların malları müsadirə edilib və hər biri sanksiya kimi 1000-1000 lari məbləğində cərimə edilib.