Gürcüstanda yanacağın ucuzlaşması gözlənilirmi?

1-2 həftə ərzində benzinin qiymətinin 5-10 tetri ucuzlaşacağı gözlənilir.

InterPress.ge xəbər verir ki, bu barədə "Visol" şirkətinin baş direktoru Vasil Xorava BMG-yə məlumat verib. 

O bildirib ki, beynəlxalq bazarda yanacağın qiymətlərinin dəyişməsinə baxmayaraq, indiki mərhələdə mövcud balanslar ucuzlaşma istiqamətində qiymət korreksiyasına imkan verir.

“Avqustun 1-dən bu günə kimi həm benzinin, həm də dizelin qiyməti təxminən 80 tetri ucuzlaşıb. Ötən həftə də benzinin qiymətini 5 tetri aşağı saldıq. Qısamüddətli perspektivə gəlincə, biz artımı düşünmürük; Mövcud balanslar imkan verir ki, qiymətləri daha da azalma istiqamətində bir az da tənzimləyək. Yəni, benzin 1-2 həftəyə 5-10 tetri ucuzlaşacaq. 

Dizelin qiymətinə gəlincə, beynəlxalq bazarda yüksək qiymətlər qorunur, bu da qiyməti aşağı salmağa imkan vermir”, - Xorava deyib.